ВИДЕО: Лука Дончиќ веќе ги поместува границите, против Минесота испиша историја!

Словенечкиот кошаркар се покажа во одлично светло во првиот натпревар пред домашната публика.

Лука Дончиќ пристигна ова лето како трет пик на драфтот во НБА во редовите на Далас.

Неговото деби против Далас не беше нешто посебно, но затоа веќе во вториот натпревар против Минесота го покажа својот квалитет.

Дончиќ натпреварот го заврши со 26 поени и шест скокови, проработи неговиот шут од поле, погоди четири тројки и неколку клучни шутеви во победата 140:136.

Пофалби добива од сите страни, а интересно е што поранешниот кошаркар на Реал веќе во вториот настап за овој тим успеа да се запиша во историјата на Далас.

Имено Дончиќ стана најмладиот кошаркар на Далас кој на еден натпревар постигнал повеќе од 20 поени.

Дончиќ ваков учинок имаше со 19 години и 234 денови, претходен рекордер беше Денис Смит Јуниор (19 години, 347 дена).

https://youtu.be/X-UaUlWIsCQ