Сари го „пречкрта“ Мората – носи нов напаѓач од Италија

Раководството и тренерот на Челзи го губат трпението околу Алваро Мората и во зимскиот преоден рок ќе тргнат во потрага по негова замена.

Шпанецот пристигна од Реал Мадрид во летото 2017 година за 65 милиони фунти, но не успеа да се адаптира на најдобар можен начин и веќе втора сезона игра под сите очекувања.

Извори од Челзи тврдат дека клубот сепак не може да чека повеќе и веќе почнал да бара замена, а прва цел е напаѓачот на Интер, Мауро Икарди.

Меѓутоа, цената на Аргентинецот е околу 100 милиони евра и тешко дека Интер ќе се согласи да го пушти во јануари.

Втората цел е напаѓачот на Милан, Патрик Кутроне, но и тоа ќе биде тешка мисија за „сините“ бидејќи Италијанецот неодамна го продолжи договорот со Милан.

#Chelsea, ecco la lista di #Sarri per sostituire #Morata a gennaio ⬇️ https://t.co/nnGQe327qk

— Corriere dello Sport (@CorSport) October 19, 2018