Алкантара: Си заминав од Барса за да бидам среќен!

Плејмејкерот на Баерн Минхен, Тиаго Алкантара не жали што ја напуштил Барселона.

Шпанскиот репрезентативец во интервју за шпанските медиуми ги откри причините да си замине од „Камп Ноу“ пред пет години.

„Си заминав од Барселона за да бидам среќен, за да продолжам да играм фудбал. Секогаш ќе и бидам благодарен на Барса за се што ми даде, но доаѓа момент во кој сакаш да пробаш нови искуства“, изјави Алкантара.

Алкантара ги коментираше шпекулациите кои ова лето го поврзуваа со трансфер во големиот ривал на Барселона, Реал Мадрид.

„Секогаш сум ги респектирал сите клубови без оглед на ривалството. Меѓутоа, нешто друго е респектот кон клубот кој те изградил како фудбалер. Ако се преселев во големиот ривал на Барса, тоа можеше да создаде конфликт“, додаде шпанскиот репрезентативец.

#ThiagoAlcantara: "I left #Barcelona to find the joy in playing football again"

https://t.co/UdMBN1TPsK

— Gabriele Romano (@gabriro91) October 10, 2018