Педро имаше среќа: Голманот на ПАОК го „нокаутираше“ (ВИДЕО)

Тимот на Челзи вчера славеше со 0:1 на гостувањето кај ПАОК во Солун, а во финишот на оваа средба напаѓачот на „сините“ Педро лесно можеше да заработи тешка повреда.

Педро беше во трк да стигне една топка, но налета на голманот на домаќините и судирот со неговото колено воопшто не беше наивен.
Веднаш на теренот пристигна медицинската екипа за да му се укаже помош на Шпанецот.

За среќа на конференцијата тренерот на Челзи, Маурицио Сари пренесе добри вести.

„Разговарав кратко со Педро после натпреварот, не би требало да се работи за сериозна повреда“, им одговори Сари на прашањето за состојбата на напаѓачот.