Хамес на чекор од Манчестер Јунајтед

Ѕвездата на Реал Мадрид, Хамес Родригез би можел да ја продолжи кариерата во Премиер Лигата, пишува „Дејли експрес“.

Според изворот, Манчестер Јунајтед е заинтересиран за 29-годишниот Колумбиец и веќе ги започнал преговорите со Реал Мадрид.

Реал е спремен да прифати понуда од 30 милиони евра бидејќи не смета на него и сака да се ослободи од неговата плата, а Јунајтед наводно е спремен да ја плати таа сума.

Манчестер Јунајтед обезбеди пласман во Лигата на шампиони и сака значително да го засили тимот, особено офанзивниот дел. Хамес е на излезна врата од Реал Мадрид и сака кариерата да ја продолжи во Премиер лигата.