16-годишниот Кире Стојанов го потпиша првиот професионален договор со Академија Пандев

Aкадемија Пандев важи за екипа која има доверба во младите фудбалери и сака да промовира млади играчи.

Така денес и продолжија, прв професионален договор со клубот потпиша 16-годишниот Кире Стојанов.

„Најмладиот фудбалер вклучен во сениорскиот тим денес полни 16 години, а со тоа го доби и својот прв професионален договор во неговата кариера. Кире Стојанов кој игра на позиција крило, е дете од школата на Академија Пандев и е репрезентативец на Македонија во селекцијата У-17. Кире е еден од играчите кои сметаме дека имаат голем потенцијал и се иднина на клубот“; објавија од клубот.