Игуаин сака да остане, но Јувентус му испрати јасна порака

Гонзало Игуаин вчера постигна гол протов Тотенхем, но челниците на Јувентус јасно му ставија до знаење дека нема иднина во тој клуб и ќе мора да си замине ова лето.

Игуаин ова лето се врати во Јувентус откако му истече позајмицата во Челзи, а лондонскиот клуб се одлучи да не го откупи неговиот договор и да го задржи на „Стемфорд Бриџ“.

Иако од почетокот беше јасно дека Јуве сака да го продаде тој и понатаму се надева дека ќе остане, а тоа е и желба на новиот тренер Сари. Аргентинскиот напаѓач вчера постигна гол и покажа дека е во добра форма, но очигледно тоа нема да му помогне.

„Газета дело Спорт“ и денес објави дека „бјанконерите“ и понатаму не сметаат на Игуаин и дека одлучиле да го продадат летово. Тоа и му го порачале после вчерашниот меч, со цел да му дадат до знаење дека и добирте игри на припремите нема да му помогнат.

Познато е дека Рома сака да го доведе Игуаин како замена за Един Џеко, но Аргентинецот во моментов одбива да се пресели на „Олимпико“.