Ќе добие ли најголемиот губитник медал од Мундијалот?

Хрватска од 17:00 часот го игра големото финале на Мундијалот против селекцијата на Франција.

Хрватските репрезентативци под водство на селекторот Златко Далиќ остварија историски успех, најголеми во историјата на спортот на оваа земја.

Далиќ Мундијалот го започна со 23 играчи кои добија повик, но после само еден натпревар остана со 22.

Како што е веќе добро познато, Никола Калиниќ одбилда влезе во последните минути од натпреварот против Нигерија. Ваквиот негов потег Далиќ не можеше да го толерира, па го испрати „дома“.

Сега интересно е да се види дали Калиниќ ќе добие медал, кој може да биде златен (победа) или сребрен (пораз).

„Ќе видиме, играчите ќе одлучат за тоа“, изјави портпаролот ХНС, Томислав Пачак.

Според правилникот на ФИФА, трите најдобри репрезентации ќе добијат по 50 медали, но не е одредено кој треба да добие.

Без разлика дали Калиниќ е добие медал, јасно е дека тој ќе биде запаметен како најголемиот губитник на Мундијалот.