Јунајтед и Сити ќе се борат за потписот на Даглас Коста

Зимскиот преоден рок штотуку заврши, а веќе се прават планови за следниот трансфер прозорец.

Англиските медиуми пренесуваат дека двата клуба од Манчестер се силно заинтересирани за ѕвездата на Јувентус, Даглас Коста.

Бразилецот оваа сезона не игра на своето препознатливо ниво, постигна само еден гол и две асистенции на 23 меча за „бјанконерите“, но не игра редовно и најчесто влегува од клупата за резерви.

Даглас Коста не е задоволен од својот статус во Јувентус и е спремен да се пресели во Премиер лигата, а клубовите од Манчестер ќе се „тепаат“ за неговиот потпис.

Сепак, „бјанконерите“ нема лесно да се откажат од својата ѕвезда и за неговата слобода бараат 80 милиони евра.