Јувентус тргнува по португалски репрезентативец

Скаутите на Јувентус веќе подолго време ги следат настапите на плејмејкерот на Спортинг Лисабон и португалски репрезентативец, Бруно Фернандеш.

Раководството на Јувентус веќе работи на засилувањата за следната сезона, а италијанските медиуми тврдат дека „старата дама“ е силно заинтересирана за португалскиот репрезентативец.

23-годишниот Бруно Фернандеш игра фантастична сезона во дресот на Спортинг Лисабон и го привлече вниманието на многу европски гиганти. Плејмејкерот има 14 гола и 12 аситенции оваа сезона на 47 натпревари.

Фернандеш има договор со португалскиот клуб до 2022 година, а Спортинг за неговата слобода бара најмалку 40 милиони евра.