Јувентус се откажа од целта на Барселона и Ливерпул, го доведува играчот на Арсенал?

Долго се шпекулираше и долго Французинот беше цел на Јувентус, но повеќе не е.

„Старата дама“ веќе подготвува живот во кој нејзин член нема да биде Адриен Рабиот. Според пишувањата на „Mundo Deportivo“, Јувентус се откажа од талентираниот играч за врска чиј договор истекува на крајот од сезоната, а за таквите италијанскиот шампион се покажа како најголем махер.

Според пишувањата на шпанските медиуми, Рабиот најверојатно ќе си оди во Ливерпул или Барселона. Тој не се согласи на продолжување на соработката со ПСЖ, па веднаш започнаа шпекулациите околу тоа каде би можел да ја продолжи кариерата. Истиот извор јавува дека Јувентус го идентификувал Арон Ремзи како главна алтернатива на Рабиот.

„Calciomercato“ дозна дека барањата на Ремзи за сега се превисоки за Јувентус. Јувентус има големи погледи околу Рабиот и Ремзи, но според пишувањето на „Mundo Deportivo“, сонот за потпишување на договорот со Французинот е завршен.