Јувентус започнал преговори со Ханси Флик

Раководството на Јувентус се обидува да го убеди германскиот стратег Ханси Флик да седне на кормилото на „старата дама“, пренесува „Билд“.

56-годишниот тренер објави дека на крајот на сезоната ќе го напушти Баерн Минхен, каде влезе во конфликт со дел од раководството.

Се шпекулираше дека Флик е сигурен за нов селектор на националниот тим, но сега „бјанконерите“ се обидуваат да го убедат да го води нивниот проект.

Јувентус не е задоволен од работата на Андреа Пирло и двете страни сигурно ќе се разделат на крајот на сезоната, па верува дека Флик би бил идеално решение.

Јувентус дури и не е сигурен за учество во Лигата на шампоини, а тоа ќе биде услов Флик да ја прифати понудата.