Ѕвездата на Салцбург ја одби Барселона поради Дортмунд

Младата ѕвезда на Салцбург, Карим Адејеми е спремен да ја одбие Барселона за да се пресели во Борусија Дортмунд, пренесуваат германските медиуми

19-годишниот Адејеми блеска во дресот на Салцбург и го привлече вниманието на многу европски гиганти, кои веќе ја започнаа битката за неговиот потпис.

Адејеми веќе дебитираше за германската репрезентација и му се предвидува блескава иднина.

Најсилен интерес за него покажува Барселона, но тој е спремен да ја одбие понудата на Каталонците бидејќи не гледа перспективен проект и смета дека нема добро да се развива на „Камп Ноу“.

Тој преферира преселба во Борусија Дортмунд, бидејќи смета дека тоа е идеално место за развој на млади играчи.

„Милионерите“ веќе стапиле во контакт со неговиот агент и се спремни да понудат 40 милиони евра за неговиот потпис.