Ѕвездата на Милан ги загрижи навивачите со една изјава

Франк Кеси е еден од најважните фудбалери во тимот на Џенаро Гатузо, но неговата изјава за Манчестер Јунајтед ги загрижи навивачите на италијанскиот гигант.

Кеси е вистински „војник“ на теренот и затоа медиумите го споредуваат токму со Џенаро Гатузо. Меѓутоа во англиските медиуми деновиве се појави негова изјава каде вели дека неговиот сон е „да заигра за Манчестер Јунајтед“.

Меѓутоа, од миланскиот клуб веднаш се огласија и потврдија дека Кеси никогаш не дал интервју за англиските медиуми и дека таа изјава датира од времето кога беше играч на Аталанта.

21-годишниот Кеси минатото лето пристигна од Аталанта за сума од 28 милиони евра и веднаш почна да ги оправдува вложените средства.