Ѓоковиќ со спектакуларен пресврт до четвртфинале

Новак Ѓоковиќ се пласира во четвртфиналето на Ролан Гарос, иако беше пред пораз од Лоренцо Мусети.

Италијанецот на големо изненадување ги освои првите два сета со 7:6, па се чинеше дека фаворизираниот Ѓоковиќ ќе биде елиминиран.

Меѓутоа, Србинот покажа зошто е најдобар тенисер на светот и направи спектакуларен пресврт, па во наредните два сета му дозволи на Мусети да земе само еден гем.

Во петиот сет Ѓоковиќ имаше предност од 4:0, па Италијанецот реши да го предаде мечот.