Ѓоковиќ со пресврт во полуфинале на Ролан Гарос

Новаќ Ѓоковиќ се пласираше во полуфиналето на Ролан Гарос, откако со 3:1 го победи шпанскиот тенисер Пабло Карењо Буста.

Најдобриот тенисер не го започна добро мечот и првиот сет го загуби со 6:4, но потоа го крена нивото на игра и направи пресврт.

Ѓоковиќ одговори во вториот сет со убедливи 6:2, а потоа рутински ги освои и следните два со 6:3 и 6:4, иако Буста во одредени момети пружи достоен отпор.

Во полуфиналето Ѓоковиќ ќе игра против грчкиот тенисер Циципас кој со 3-0 во сетови го доби Рублев, 7-5, 6-2 и 6-3.