Шок на Ролан Гарос: Шампионката елиминирана во првото коло!

Јелена Остапенко, актуелната шампионка на Ролан Гарос елиминирана е во првото коло на турнирот од Украинката, Катерина Козлова – 7:5, 6:3.

Остапенко, која е петта тенисерка во светот, неочекувано беше лиминирана во првото коло на Ролан Гарос и сега ја очекува голем пад на ВТА листата.

Иако ова се очекуваше да бие лесен меч за шампионката, од самиот старт проблемите беа забележителни.

Козлова успеа прва да дојде до брејк (3:1), меѓутоа Јелена одговори во осмиот гејм, кога и го одзема сервисот на Украинката (4:4). До крајот на сетот видовме уште три брејка, од кои два беа од Козлова која сетот го доби со 7:5.

Во вториот сет од девет гејмови, видовме дури шест брејкови. Тенисерките се мачеа да освојат гејм на свој сервис и на крајот Козлова која е 66 тенисерка во светот успеа да дојде до најголемата победа во кариерата.

Козлова во наредното коло ќе игра против Викторија Азаренка или Катерина Синијакова.