Шок за Барселона: Ѕвездата на Каталонците ја напушти репрезентацијата поради повреда

Фудбалерот на Барселона Фермин Лопез заработи повреда на тетивата, а од терените ќе отсуствува три недели.

Оваа вест ја потврди неговиот клуб, славната Барселона, која ќе остане без него на неколку натпревари.

Фермин Лопез беше на собирот на младата шпанска репрезентација, но поради повреда мораше да го напушти.

Барселона изјави дека по дополнителните прегледи било потврдено дека младиот фудбалер на каталонскиот клуб има проблеми со тетивата поради што ќе биде надвор од терените три недели.

Во текот на летото Лопез (21) со селекцијата на Шпанија го освои Европското првенство во Германија, како и златниот медал на Олимписките игри во Париз.