Чеферин ја призна грешката: Вакво Европско првенство повеќе нема да гледаме!

Првиот човек на УЕФА, Александар Чеферин ја призна грешката и порача дека Европско првенство како ова повеќе нема да гледаме.

Чеферин истакан дека турнир во 12 градови не е лоша идеја, но организациски е тешко. Оваа година и се беше дополнително отежнато поради пандемијата со коронавирусот.

„Ваква идеја повеќе нема да поддржам. Претешко е и не е фер, некои репрезентации ќе поминат 10.000 километри, а други 1000. Тоа е една од лошите работи. Не е фер и кон навивачите. Некои навивачи мораат да бидат во Рим, па потоа следните неколку дена во Баку. Не верувам дека повторно ќе организираме Европско првенство во ваков формат“, изјави Чеферин.

На ова Европско првенство остана само уште да се одигра финалето помеѓу Италија и Англија кое е закажано за во недела на „Вембли“.