Чеферин не му простува на Ањели: Тој човек за мене не постои!

Суперлигата на крајот беше проект кој засега не успеа, но основачите Јувентус, Реал и Барселона се уште официјално не се откажале.

Претседателот на УЕФА Александар Чеферин неколку пати во јавноста зборуваше на оваа тема, а најмногу е лут на првиот човек на Јувентус Андреа Ањели.

„Мислев дека ми е пријател, а тој цело време ме лажел во лице. Ми зборуваше дека нема потреба да се грижам, а во исто време ги потпишал сите документи за новото натпреварување. Главните личности од иницијативата ги делам на три категории, на прво место го ставам Ањели, таа личност за мене повеќе не постои“, изјави Чеферин.

Ќе птсетиме УЕФА има покренато дисциплинска постапка против Јувентус, Барселона и Реал Мадрид и ќе видиме каков ќе биде исходот.