Хаосот во Челзи продолжува: „Сините“ не регистрираа еден од најплатените фудбалери

Аргентинскиот тренер Маурицио Покетино има голем предизвик да го врати Челзи на победнички патеки, откако газдата Тод Боели потроши еден куп пари на засилувања.

„Сините“ повторно направија „циркус“ откако не регистрирале еден од најплатените фудбалери на тимот.

Покетино регистрира 25 фудбалери за Премиерлигата кои ќе играат до крајот на сезоната, а притоа стана јасно дека шанса нема да добие Маланг Сар, кој добива плата од 120.000 евра неделно.

Французинот има договор до 2025 година, па во следниот период без напор ќе заработува плата, иако Челси во јануари ќе се обиде да го продаде.

Сар пристигна во клубот во 2020 година за 16 милиони евра од Ница, но се покажа како големо разочарување.