Фудбалерите до 15 години поразени од Србија

Македонската репрезентација до 15 години загуби со 3:2 од Србија на вториот конторлен натпревар одигран денеска на тренинг центарот „Петар Милошевски“ во Скопје.

Првиот дуел меѓу двете младински селекции заврши без победник 2:2. 

На денешниот натпревар, фудбалерите на селекторот Раде Каранфиловски дојдоа во водство со голот на Митановски во 10. минута. Сепак гостите од Србија со три гола, од кои два на Матијашевиќ и еден на Маровиќ, поведоа со 1:3 до полувреме.

На почетокот на вториот дел, нашата селекција со гол од пенал на Грашевски успеа да го ублажи поразот.