Фреди Алварез: Ќе биде тешко, но ние одиме по нови три бода!

Во изминатиот дел од сезоната Фреди Алварез е еден од најдобрите фудбалери во ПМФЛ.

Алварез е од огромна важност во средниот ред на Шкупи кој е лидер на табелата. Утре Шкупи го чека натпревар против Македонија Ѓорче Петров, а Алварез го најави мечот за клупската страница.

„Ќе биде тежок натпревар, ние одиме по нови три бода. Сакаме да останеме на првото место и со победа да ги израдуваме фановите затоа што тие го заслужуваат. Добро знаеме дека натпреварите со локалните ривали секогаш се тешки, ние ќе излеземе и ќе го дадеме максимумот“, изјави Алварез.

Како и останатите натпревари Македонија Ѓорче Петров и Шкупи својот натпревар го играат од 13:00 часот.

Фото: ФК Шкупи