Француска легенда жестоко до Роналдо: Нека замолчи, во неговата глава цело време е Меси

Кристијано Роналдо доби многу критики за неговата изјава дека лигата во Садиска Арабија е многу подобра од француската Лига 1, а сега остро му возврати поранешниот светски шампион Франк Лебеф.

Светскиот шампион од 1998 година смета дека Роналдо таа изјава ја дал само поради Лионел Меси кој играше во Лига 1 пред да се пресели во Интер Мајами.

„Ме налути изјавата дека саудиската лига е подобра од Лига 1. Што мислите зошто даде таков коментар место пример да го спомене португалското првенство? Едноставно е, затоа што таму играше Лионел Меси. Како фудбалер го почитувам, меѓутоа подобро му е да замолчи, во неговата глава цело време е Меси“, изјави Лебеф.

Во својата кариера како фудбалер Французинот го носеше дресот на Стразбург, Челкзи, Марсеј, Ал-Сад, Ал-Вакра…Репрезентативец на Франција беше од 1995 до 2002 година.