Флорентино Перез закажал итен состанок со менаџерот на Роналдо!

Јасно што е главна тема во текот на денешниот ден, а ќе биде сигурно и во наредните – Кристиано Роналдо и Јувентус.

Имено, сите светски медиуми на големо пишуваат за трансферот на Роналдо во Јувентус. Според последните информации Реал Мадрид ја прифатил понудата од 100 милиони евра, а Португалецот во со „старата дама“ би потпишал договор на четири години со плата од 30 милиони евра по сезона.

Најновата вест поврзана со оваа тема ја пренесува шпанска „Марка“.

Како што пренесува реномираниот медиум, Флорентино Перез закажал итен состанок со агентот на Роналдо, Жорге Мендеш.

Планирано е состанокот да биде одржан најдоцна утре, а секако ќе се разговара за иднината на Роналдо, односно понудата од Јувентус.

Повикувајќи се на свои извори весникот пишува и за нарушениот однос помеѓу Роналдо и Перез и во последниот период. Наводно, Роналдо во Мадрид не се смета за доволно почитуван.

Florentino-Mendes: reunión inminente para tratar de urgencia el futuro de Cristiano https://t.co/JtEyt3bs8r pic.twitter.com/zoBNZc9Wjs

— MARCA (@marca) July 4, 2018