ФИФА ја одби тужбата на Нејмар – сега Барселона сака да „удри по џебот“ на Бразилецот

Минатото лето светот го проследи најскапиот трансфер во историјата, Нејмар за сума од 222 милиони евра ја замени Барселона со Пари Сен Жермен.

Но, истиот овој трансфер подоцна прерасна во вистинска сапуница исполнета со голем број контроверзии. Прво, неодамна Нејмар потврди дека своите закани ги преточил во дела и ја известил ФИФА за сумата од 40 милиони евра која смета дека треба да му биде исплатена.

Да потсетиме, Нејмар оваа сума ја бара поради клазулата за лојалност која стоеше во неговиот договор, односно дека ќе остане член на Барселона до крајот јули 2017 година. Нејмар својот трансфер го реализираше неколку дена по истекот на оваа клазула.

Поради тоа од Барселона ова го сметаа за измама и одбија да му ја исплатат споменатата сума и потенцираа дека тие не му должат ниту евро на Нејмар, а денес истиот одговор Бразилецот го доби и од ФИФА. Барселона сега се заканува со тужба и бараат да им се вратат 75 милиони евра бидејќи сметаат дека Нејмар го прекршил договорот.