Фергусон го посетил тренингот на Манчестер Јунајтед

Големиот пораз на Манчестер Јунајтед од Ливерпул во неделата се уште е тема во медиумите на Островот.

За Манчестер Јунајтед тоа беше болен пораз, еден од најтешките во историјата, а многумина го обвинуваат менаџерот Оле Гунар Солскјер. Судбината на Норвежанецот и понатаму е неизвесна. Директорите Ед Вудвард и Ричард Арнолд имале разговор со Солскјер и на него сега му е јасно дека неговатап озиција е загрозена.

Во меѓувреме денешниот тренинг на Манчестер Јунајтед го посети легендарниот Сер Алекс Фергусон. Најуспешниот менаџер во историјата на клубот и денес следи се што се случува во Јунајтед и сигурно дека неговиот збор има влијание.

Фергусон на тренингот му искажал поддршка на Солскјер. Сепак, ако играта и резултатите на Јунајтед не се подобрат јасно е дека Солскјер ќе биде смеент. Интересно е што експертот за трансфер Фабрицио Романо пишува дека Пол Погба донел одлука да остане во Јунајтед само ако Солскјер замине.