Фенербахче испратил понуда до Јоаким Лев

Според информациите на турските медиуми, Фенербахче му понудил договор на Јоаким Лев до 2024 година.

Лев е без ангажман откако ја напушти функцијата селектор на Германија, па сега Фенербахче се обидел да го доведе во своите редови откако Витор Переира си замина.

Како што говорат информациите Турците веќе ја испратиле својата прва понуда за две ипол годишна соработка со Германецот и сега се чека одговорот на Лев.

Лев селектор на Германија беше од 2006 година после Мундијалот кој се одржа во неговата земја, а под негово водство Германија го освои Светското првенство во 2014 година и играше финале на Европското во 2008 во кое изгуби од Шпанија.