Феликс ја дозна казната, помина добро

Португалскиот репрезентативец Жоао Феликс доби два меча суспензија за црвениот картон што го доби на натпреварот против Атлетик Билбао.

Ѕвездата на Атлетико помина добро со оглед на фактот што му се закануваше казна и до 12 меча суспензија.

Феликс доби два жолти картони против Атлетик за помалку од една минута, првиот поради остар старт, а вториот затоа што му кажа на судијата Гил Манзан дека е „луд“.

Феликс ќе паузира еден меч поради вториот жолт картон, и уште еден поради неспортско однесување.