ФА нема да покрене истрага против Гвардиола

Фудбалската асоцијација на Англија нема да покрене истрага пшротив менаџерот на Манчестер Сити, Пеп Гвардиола поради гневните реакции на Каталонецот кон судијата Мајкл Оливер.

Гвардиола ги загуби нервите за време на дербито против Ливерпул, а пресуден момент беше кога во 83-та минута „граѓаните“ по втор пат бараа пенал поради игра со рака на Александар Арнолд.

Меѓутоа, судијата Мајкл Оливер одличи дека нема елементи за пенал, а ВАР системот ја потврди неговата одлука.

После последниот судијски свиреж Гвардиола отиде да му подаде рака на судијата и притоа им се „заблагодари“ за судењето, а после мечот изјави дека не станувало за навреда иако имаше гневни гестикулации.