Фајнл-фор во Евролигата ќе се игра во Белград

Белград ќе ја добие организацијата на завршниот турнир во Евролигата и така по четири години повторно ќе биде домаќин на фајнл-форот, пишуваат српските медиуми.

Утре делегација на Евролигата ќе пристигне во Белград, а во среда ќе биде потпишан договорот за организацијата на завршниот турнир.

Првично завршниот турнир требаше да се игра во Берлин. Германците се откажаа поради епидемиолошките мерки, бидејќи се уште важи правилото натпреварите во сала да се играа без публика.

Белград 2018 беше повеќе од успешен домаќин на фајнл-форот и има искуство во организирање големи настани.