Фалкао се враќа во Атлетико Мадрид?

Навивачите на Атлетико Мадрид синоќа со големи овации го пречекаа Радамел Фалкао на својот стадион, иако пристигна како ривал.

Сепак, според зборовите на Фалкао наскоро би можел повторно да се врати во Атлетико, бидејќи не крие дека тој клуб е во неговото срце.

Фалкао веќе има 32 години и договор со Монако до 2020 година, но на крајот на сезоната би можел да го напушти „кнежевството“.

„Никогаш не знаете што носи иднината. Очигледно дека Атлетико е во моето срце. Не знам, можеби ќе се вратам во овој клуб“, изјави Фалкао.

Колумбиецот својата фудбалска афирмација ја доживеа во Порто, а потоа со голем успех го носеше дресот на „јорганџиите“.