Усик го прифати условот на Фјруи: Веќе е познат и датумот за спектаклот!

Се поблиску е борбата меѓу Тајсон Фјури и Александар Усик за титулата апсолутен светски шампион во супертешка категорија.

Украинецот, сопственик на појасите во верзиите ВБА, ИБФ и ВБО, ја прифати понудата на Фјури да ги подели парите од борбата 70:30 отсто во корист на Британецот. Борбата најверојатно ќе се реализира на 29 април на „Вембли“.

„Ја прифаќам твојата понуда. 70:30 за теба за борбата на „Вембли“ на 29 април“, напиша Усик на Твитер.

Сепак, Украинецот имаше едно посебно барање.

„Сакам да ветиш дека веднаш по натпреварот ќе уплатиш еден милион фунти на Украина и дека за секој ден доцнење ќе плаќаш по еден процент од заработката на жителите на Украина. Се согласуваш?“, истакна Усик.

Пред тоа Фјури испрати порака во која кажа дека неговиот услов за борбата е Усик да прифати 30 проценти и тоа е „земи или остави“.

Belly @Tyson_Fury Deal !?? pic.twitter.com/X1IoWF5zgY

— Alexander Usyk (@usykaa) March 10, 2023