УЕФА отвори дисциплинска постапка против Јувентус, Реал Мадрид и Барселона

УЕФА најави дека ќе отвори дисциплинска постапка против Реал Мадрид, Барселона и Јувентус поради потецијално кршење на правилникот на Европската куќа на фудбалот после контроверзиите со Суперлигата.

Споменатите клубови беа тие кои најмногу се залагаа за проектот „Суперлига“. Само овие три клуба од оние 12 кои го најавија своето учество не се откажаа од идејата и затоа УЕФА им спрема жестока казна.

„После истрагата која ја спроведоа етичките и дисциплинските инспектори на УЕФА во врска со т.н проект „Суперлига“ отворена е дисциплинска постапка против Реал Мадрид, Барселона и Јувентус“, стои во соопштението од УЕФА.

Останува да се види каква ќе биде казната на УЕФА, а во медиумите се најавува исфрлање од европските натпреварувања на една или две години.