Тренерот на Динамо го потврди трансферот на Олмо – во игра и Челзи

Хрватските медиуми, предводени од „Спортске Новости“ и понатаму се упорни дека Дани Олмо ќе потпише за Милан.

После веста која се појави во средата навечер дека Олмо е пред потпис со Милан, вчера следуваше демант од луѓето во Милан, но веќе денес Хрватите одново тврдат дека трансферот е пред реализација.

Олмо не беше во составот за денешниот пријателски меч на Динамо Загреб, а тренерот Бјелица потврди дека Шпанецот не игра поради преговорите за негово заминување.

„Дани не играше денес, а нема да игра ниту утре. Не сакаме да ризикуваме, во моментов се во тек преговори за негов трансфер“, потврди Бјелица.

Хрватските медиуми пренесуваат дека и Челзи се вклуил во трката за неговиот потпис, но Милан е во пол-позиција.