Тони Крос е најголемата грешка на Баерн Минхен, но и на Манчестер Јунајтед

Легендарниот Тони Крос по крајот на Европското првенство ќе ја заврши кариерата, а веќе го одигра последниот натпревар во дресот на „кралевите“.

Иако, според неговата форма и понатаму може да игра на високо ниво, сепак Крос одлучи да каже „збогум“ на фудбалот.

Германскиот фудбалер заминува со уште еден, шести трофеј во Лигата на шампионите (има една Лига на шампиони со Баерн и пет со Реал), а последен турнир на кој ќе игра во кариерата е Европското првенство во неговата Германија.

Легендарниот фудбалер на Баерн Минхен и Интер, Лотар Матеус зборуваше за Тони Крос и имаше што да каже на таа тема.

„Продавањето на Тони Крос е најголемата грешка што Баерн Минхен некогаш ја направил“, изјави Матеу.

Крос од Баерн Минхен во Реал Мадрид премина во 2014 година за сума од 24 милиони евра.

Меѓутоа медиумите потсетуваат и дека Манчестер Јунајтед направи голема грешка со Крос. Имено, се потсетува дека овој клуб имаше договор со Крос кога Дејвид Мојс беше тренер, но по неговото заминување и доаѓањето на Ван Гал таа комуникација сеп рекина и холандскиот стратег се одлучи за некои други имиња во средниот ред.