Томас Милер стана рекордер – испиша нова историја во Баерн!

Во второто коло од германската Бундеслига, Баерн Минхен славеше победа на свој терен против Фрајбург со 2:0, а овој натпревар посебно ќе го памети Томас Милер.

Баварците рутински ја завршија својата работа и славеа во првиот натпревар пред домашната публика. Првиот гол на средбата го постигна Хари Кејн по 38 минути игра, а вториот беше дело на Томас Милер.

За Милер натпреварот беше и посебен затоа што беше 710-ти во дресот на Баерн со што се осамости на „вечната“ листа.