Тензии на тренингот на Јувентус – на Дибала не му одговарал терминот за тренинг?

Веќе подолго медиумите во Италија пишуваат дека ситуацијата помеѓу Паоло Дибала и Јувентус не е најдобра, Аргентинецот се уште не го продолжил договорот и не сигурно дека тоа ќе го направи.

Последната информација од „Газета дело Спорт“ е дека дошло до тензии помеѓу Дибала и Алегри на еден од последните тренинзи пред утрешниот натпревар на Јувентус против Салернитана.

Наводно, Дибала имал забелешки на терминот околу тренинзите пред дуелот со Салернитана и му се спротиставил на Алегри на што италијанскиот стратег му одговори – Пауло од сите фудбалери баш ти излезе со такво барање?

Пред неколку дена и извршниот директор на Јувентус Аривабене потврди дека се уште нема договор со Дибала за продолжување на соработката.

„Сè уште ништо не е решено за продолжување на договорот на Дибала не е загарантирано уште ништо. Све зависи од финансиските параметри и како ќе постапи во преговорите“, гласеше изјавата на Аривабене.

Останува да го почекаме крајот на сезоната кога ќе биде и позната иднината на Аргентинецот, еден од клубовите со кои се поврзуваше Дибала е Интер, а тоа сигурно би било трансфер кој може да донесе бурни реакции на „Чизмата“.