Тежок удар за Њукасл: Остана без првиот глман 4-5 месеци!

Голманот на Њукасл, Ник Поуп ќе отсуствува од терените 4-5 месеци пренесува „Телеграф“.

31-годишниот голман го повреди рамото во дербито против Манчестер Јунајтед во саботата. На тој натпревар Њукасл славеше победа од 1:0.

Поуп не го доврши натпреварот и мораше предвреме да биде заменет. На негово место во наредниот период на голот ќе биде Мартин Дубравка кој е втор голман.

Трет голман на Њукасл е познатиот Лорис Кариус кој фудбалските фанови го паметат по киксовите во финалето на Лигата на шампионите на голот на Ливерпул.

Не е исклучена можноста Њукасл да реагира во јануарскиот преоден рок и да доведе нов голман.