„Суперкласико“ го заврши во солзи, но сега си обезбеди трансфер во Европа!

Изминатиот викенд после неколку одложувања конечно го добивме шампионот на Јужна Америка. Одложениот реванш се одигра во Мадрид, а на крајот трофејот заврши во рацете на Ривер.

Фудбалерите на Бока беа поразени откако први стигнаа до водство, имаа предност се до дваесетина минути пред крајот на „Суперкласико“, но тогаш Ривер изедначи, за до победата да стигне после продолженијата.

Тешко им падна поразот на сино-жолтите, но Лисандро Магалан од редовите на Бока сега доби причина за задоволство бидејќи обезбеди трансфер во Европа.

Овој 25 годишен дефанзивец можеби не успеа да ги запре фудбалерите на Ривер минатата недела, но со одличните настапи во дресот на аргентинскиот гигант во изминатите две години го привлече вниманието на европските клубови.

Денес Бока ја прифати понудата од холандски Ајакс за Магалан вредна девет милиони евра, па овој фудбалер наскоро ќе го реализира трансферот во редовите на холандскиот гигант.

Boca have accepted the offer coming from Ajax of €9 million for defender Lisandro Magallan. https://t.co/ddmaMosoGk

— Roy Nemer (@RoyNemer) December 14, 2018