Столе: Со Кјелце не чека голема борба, некој на крајот ќе плаче – нека си оди Кара разочаран!

Денес прес-конференција пред натпреварот со Кјелце во сабота одржаа тренерот Едуард Кокшаров и Стојанче Стоилов

„Не чека тежок натпревар со Кјелце. Сите сакаме да победиме против Кјелце, тој е наш голем ривал. Сепак, ситуацијата не е добра, имаме повреди, не знаеме на што сме…Сепак наше е да излеземе и да дадеме се од себе како и во секој натпревар“, изјави Стоилов.

Кокшаров доби за повредените играчи, Криштопанс се повреди последен во натпреварот од СЕХА лигата против Војводина.

„Не можеме да кажеме кој ќе игра, засега не знаеме. Тоа важи и за Криштопанс и за сите останати“, изјави тренерот Кокшаров.

Со Кјелце во Скопје ќе гостува Игор Карачиќ кој долго време ги бранеше боите на Вардар.

„И Кјелце како што гледам има проблеми и очекувам интересен натпревар со многу борба, на крајот некој ќе плаче…. Против Карачиќ сум играл во репрезентација, се познавме и од тренинзите. Јас се надевам дека ќе си оди разочаран. “, со насмевка и желба за победа порача Столе.