Стерлинг за методите на Гвардиола: Ќе ме убиеше бидејќи изгубив три топки

Фудбалерот на Манчестер Сити, Рахим Стерлинг целосно се препороди играчки во втората сезона под водство на Пеп Гвардиола.

Англискиот крилен напаѓач едноставно е кошмар за противничките одбрани, а заслугите за добрата игра фудбалерот ги препишува на својот тренер.

„Знае да биде многу незгоден кога е незадоволен. Се сеќавам на натпреварот против Кристал Палас во декември. Изгубив три топки и помислив дека повеќе нема да играм до крајот на сезоната бидејќи по натпреварот Пеп скоро и да ме убиеше“, истакна Стерлинг.

Офанзивецот на веројатно новиот шампион на Англија ја објасни и тајната на успехот на Гвардиола.

„Гвардиола знае да го извлече максимумот од своите фудбалер и на сите во тимот и става до знаење кога ќе биде направена грешка. Поради тоа се издвојува од другите“, откри Стерлинг.