„Со кој би се засилил Ливерпул? Со Меси?“

Поранешниот играч на Ливерпул, Џон Барнс тврди дека „црвените“ не треба да доведуваат засилувања во јануарскиот преоден рок.

Екипата на Јирген Клоп беше одлична во првиот дел од сезоната, во домашното првенство не знае за пораз и се пласираше во нокаут фазата од Лигата на шампионите.

„Не гледам со кого би се засилил Ливерпул во јануари? Само Меси би направил овој тим да биде подобар. Клоп има супер тим. Не претерувам, не постои играч кој би придонел овој тим на Ливерпул да биде на повисоко ниво, се е како што треба“, изјави Барнс.

Токму денес кога Барнс ја даде оваа изјава медиумите на Островот пишуваат дека Клоп го озбедил потписот на Јапонецот од Салзбург, Такуми Минамино.