Со доаѓањето на Ибрахимовиќ започнува револуцијата во Наполи

Златан Ибрахимовиќ до крајот на овој месец би требало да објави во кој клуб ќе ја продолжи кариерата, а како што стојат работите тоа најверојатно ќе биде Наполи.

Претседателот на клубот, Ди Лаурентис е подготвен да направи неколку измени во играчкиот кадар, особено по штрајкот што го организираа фудбалерите на клубот пред неколку недели.

Де Лаурентис изјави дека ќе ги продаде сите играчи кои беа лидери на штрајкот, а најверојатно клубот ќе го напушти и тренерот Карло Анчелоти, кој повеќе не е во добри услови со претседателот на Наполи.

Италијанските медиуми пренесуваат дека прва мета на тимот од Неапол е Златан Ибрахимовиќ кој моментално е слободен играч. Иако има 38 години, многу клубови во Серија А покажаа интерес, но се чини дека Наполи е најконкретен.

Де Лаурентис сака да направи револуција во екипата на Наполи, а таа може да започне во јануари со продажба на Мартенс и Каљехон. Покрај Ибра, би требало да пристигнат уште неколку засилувања, но во Наполи нивните имиња се уште не ги откриваат.