Состојбата на Марадона е критична – мора на итна операција!

Аргентинската фудбалска легенда Диего Марадона е во критична состојба и мора итно да оди на операција на мозокот, пренесуваат тамошните медиуми.

Неговиот личен доктор, Леополдо Луке изјави дека ќе мора да оди на операција на мозокот за отстранување на хематом во следните неколку часови.

Марадона беше примен синоќа во болница во Ла Плата, а неговиот син објасни дека е во лоша психолошка состојба.

„Ќе го оперираме денеска. Тој е свесен и луциден и разбира што се случува и се согласи со операцијата. Ќе биде пренесен во клиниката Оливос во Буенос Аирес. Марадона не беше добро психолошки во последните неколку дена. Тој беше тажен цела недела и одбиваше да јаде“, вели Луке.