Соопштени казните за хаосот во натпреварот ПСЖ – Марсеј

Дисциплинската комисија на Францускиот фудбалски сојуз ги соопшти казните за хаосот кој се случи во финишот од француското дерби помеѓу ПСЖ и Марсеј.

Во споменатиот натпревар во судиското продолжение беа исклучени петмина играчи.

Тројца домашни – Нејмар, Пардес и Курзава и двајца од редовите на гостите – Бенедето и Амави.

Курзава која ја започна тепачката со Амави доби најтешка казна од шест натпревари суспензија. Амави нема да игра три натпревари. Нејмар и Паредес добија по два натпревари, додека Бенедето ќе пропушти еден натпревар.

Меѓутоа за двајцата играчи за кои се очекуваа можеби и најстроги казни се уште не е ништо соопштено. Без казна засега се Алваро Гонзалес кој го расистички го навреди Нејмар и Анхел Ди Марија кој го плукна Гонзалес.

PSG vs Marseille fight
pic.twitter.com/NyUDtoWSV1

— ً (@ASENSl20) September 13, 2020