Meнаџерот на Манчестер Јунајтед Оле Гунар Солскјер изјави дека сите во тимот се целосно фокусирани на натпреварот со Аталанта и дека потоа ќе размислуваат за она што следи.
„Црвените ѓаволи“ утре во 21:00 часот во Бергамо ќе го играат натпреварот од четвртото коло во Лигата на шампионите, а потоа ги чека градското дерби со Манчестер Сити во Премиер лигата.
Кој ќе тепа на Ел Класико!? ↓↓↓
„Целиот фокус е на овој натпревар. Потоа ќе се насочиме на следните предизвици и дербито со Манчестер. Знаеме дека ќе биде тешко, но сме спремни. Во добра позиција сме во групата затоа што остваривме победа на домашен терен, но треба да дојдеме и до посакуваниот резултат на гости“, изјави Солскјер.
Норвешкиот стратег не откри со кој состав ќе настапи.
„Не можам да ви го откријам планот на игра или тактиката, но имаме тим кој може да игра на повеќе начини. Во сабота квалитетот беше поважен од системот кој го игравме“.
Во последниот период Солскјер добива многу критики.
„Поради критиките може да се случи да се посомневате во себе. Јас секогаш уживам во нив, ме мотивираат. Сите можат да го кажат своето мислење, не сакам да влегувам во расправии“, истакна Норвежанецот.
Учество во игри на среќа е дозволено за лица со 18+ години. Играј одговорно!