Солскјер со порака до раководството: Ни требаат засилувања

Менаџерот на Манчестер Јунајтед, Оле Гунер Солскјер испрати јасна порака до сопствениците на клубот.

Манчестер Сити вчера и официјално ја освои титулата во Премиер лигата, а Солскјер му порача на раководството дека се потребни квалитетни засилување за да се бори со „граѓаните“.

„Се разбира дека ако сакаме да се бориме со Сити, потребно ни е засилување на тимот“, истакна Солскјер.

„Честитки за Манчестер Сити кој одигра фантастична сезона. Јас сум многу задоволен од моите играчи, бидејќи пред нас е само Сити, кој е сметан за најдобар во Европа. Имаме потреба од неколку квалитетни фудбалери за да стигнеме на нивното ниво“, додаде Норвежанецот.