Солскјер го нуди Погба за да го добие Де Лихт

Пол Погба најверојатно ја игра последната сезона во Манчестер Јунајтед и се погласни се шпекулациите дека може да се врати во Јувентус на лето.

Погба и минатото лето беше на излезна врата, а сега „црвените ѓаволи“ нема да му стојат на патот и се спремни да го пуштат.

Полседните информации од Островот се дека Солскјер сака да ја искористи ситуацијата и да го донесе еден од најдобрите млади дефанзивци во Европа.

Имено, Манчестер Јунајтед е спремен да го испрати Погба во Торино и за возврат да го добие Матијас де Лихт.

Двајцата фудбалери имаат ист менаџер, Мино Раиола, но тешко е да се поверува сека „бјанконерите“ ќе се откажат од младиот дефанзивец за кого пред една година платија 75 милиони евра.