Собранието на ФФМ започна: Присутни 52 од 96 делегати

Денес се одржува Изборното собрание на ФФМ на кое Муамед Сејдини како единствен кандидат ќе биде реизбран за претседател на ФФМ.

Собранието е со ептен тенко мнозинство од 52 делегати од вкупно 96. Ова собрание на ФФМ поминува со многу контроверзии како и претходното во 2019 година.

ОФС Тетово, ОФС Кочани, ОФС Струмица се општинските сојузи кои го бојкотираа собранието, а исто така и голем дел од клубовите меѓу кои и актуелниот шампион Шкендија преку официјално соопштение се изјаснија дека не го признаваат.

Вчера Агенцијата за млади и Спорт излезе со соопштение во кое порача дека не го признава ова изборно собрание, но и покрај тоа денес на собранието е присутен Авни Рустеми кој е заменик директор. Ќе видиме дали после ова ќе има нова реакција од АМС.